اکثر پوچھے گئے سوالات

                            بھارت وانی پروجیکٹ سے متعلق معلومات برائے عوام

بھارت وانی ایک ایسا پروجیکٹ ہے جس کا مقصد ملٹی میڈیا (تحریر، تقریر اور تصویر)کا استعمال کرتے ہوئے پورٹل اورویب سائٹس کے ذریعےہندُستان کی سبھی زبانوں سے متعلق معلومات فراہم کرنا ہے۔ یہ پورٹل مکمل طور پر آخذی، مکالماتی، ادخالی، عملی اور معتدل ہوگا۔ اس کا بنیادی تصور ڈیجیٹل ہندُستان کے عہد میں اوپن تعلیم یافتہ معاشرے کی تشکیل کرنا ہے۔

بھارت وانی پورٹل کے فیض یافتگان

عمر، جنس، آمدنی، پس منظر، باقاعدہ اور غیر رسمی تعلیم کے امتیازات کے بغیر سماج کے سبھی افرد کے لیے بھارت وانی تک رسائی ممکن ہوگی۔ گویا بھارت وانی شیر خوار بچّوں سے دانشوروں تک کے لیے اپنی خدمات مہیا کرائے گا۔

بھارت وانی کے لیے مضامین و مواد کیسے جمع کیے جائیں گے؟

بھارت وانی ہندُستان کے تمام سرکاری اور غیر سرکاری اداروں، درس گاہوں، تعلیمی بورڈ، تشکیلِ نصاب سے متعلق تنظیموں، جامعات،ا کادمیوں اور اشاعتی اداروں میں موجود زیرِ فہرست زبانوں سے متعلق مواد جمع کرکے ملٹی میڈیا کی صورت میں محفوظ اور پیش کرے گا۔

بھارت وانی ذاتی اداروں سے بھی التماس کرے گا کہ وہ آن لائن استعمال کے لیے اپنے مواد فراہم کرائیں۔

مواد کا انتخاب اور اس کی فوقیت کا تعین ماہرین کی منظوری کے بعد ہی ہوگا۔ ادارتی کمیٹی کی سفارشات پر مشاوراتی کمیٹی حتمی فیصلہ لے گی۔

بھارت وانی کی توجہ معلومات افزا مواد ومضامین کی اشاعت پر ہوگی لیکن مشاورتی کمیٹی خاص صورتِ حال اور معیار کی بنیاد پر نمائندہ غیر افسانوی مضامین کی اشاعت سے متعلق بھی فیصلہ لے سکتی ہے۔

بھارت وانی مواد کا معیار کیسے طے کرے گا؟

بھارت وانی کسی مضمون کی اشاعت کا آغاز ماہرینِ مضامین کے تشکیل کردہ مواد اور مقتدر اداروں کے ذریعے شائع کردہ مواد سے کرے گا۔ اس سلسلے میں سب سے پہلے ہندُستانی زبانوں کا مرکزی ادارہ (CIIL) کے شائع شُدہ مواد کو شامل کیا جائے گا۔

نئے مواد کی اشاعت کے سلسلے میں بھارت وانی کے ذریعے ہر ایک زبان کے لیے مجلسِ ادارت کے ذریعے فیصلہ لیا جائے گا۔

سہو سے پاک مواد کی اشاعت کے لیے باقاعدہ نظام بنایا جائے گا۔

کیا بھارت وانی زبان سے متعلق آئی ٹی آلہ جات کو منظرِ عام پر لائے گا؟

بھارت وانی، ہندُستانی زبانوں کے لیے موجود کار آمد اور ترقی یافتہ آئی ٹی آلہ جات کو منظرِ عام پر لانے کے لیے ایک منچ مہیا کرائے گا۔ اس ضمن میں وزارتِ اطلاعات و تشریات اپنے مختلف اداروں مثلاً ٹی ڈی آئی ایل کے ذریعے جدید آلہ جات کی تشکیل و ترقی پر کاربند ہے، بھارت وانی اس کے اشتراک سے زبان سے متعلق مختلف آلہ جات مثلاً: فونٹ، سافٹ ویئر، ٹائپنگ ٹولس، موبائلس ایپس، آلہ جات برائے کثیر لسانی ترجمہ، تحریر سے تقریر اور تقریر سے تحریر میں تبدیل کرنے والے آلہ جات فراہم کرائے گا۔

وسیع پیمانے پر سماج کے لیے بھارت وانی کے کیا فوائد ہیں؟

بھارت وانی، ہندُستانی زبانوں / مادری زبانوں کو اپنے پورٹل پروسیع پیمانے پر مہیا کرائے گا جس کے نتیجے میں نوجوان نسل اپنی تمام آن لائن کارکردگی مثلاً: بلاگنگ، سوشل میڈیا اور مادری زبان میں مطالعے کے لیے راغب ہوگی۔

بھارت وانی، قریب المرگ زبانوں، اقلیتی زبانوں اور قبیلہ جاتی زبانوں / مادری زبانوں کوسائبر اِسپیس پر اہم مقام دلائے گا۔

بھارت وانی، ہندُستان کی تقریباً سبھی زبانوں / مادری زبان کے ساتھ ملک کے تمام فرقوں سے رابطہ قائم کرنے، دور دراز کے علاقوں تک رسائی حاصل کرنے اور تہذیبی بیداری اور تفہیمی صلاحیت کو فروغ دینے کا کام کرے گا۔

کیا بھارت وانی سرکاری معلومات کی اشاعت کرے گا۔

بھارت وانی ایک ایسا پورٹل تیار کرے گا جس سے زراعت وصنعت، تعلیم اور سماجی معلومات سے متعلق بروقت معلومات فراہم کرنے والے پورٹل سے راطبہ قائم کیا جاسکے گا۔ گویا یہ ایک ایسا واحد پورٹل ہوگا جس کے ذریعے مختلف پورٹل پر موجود ہر قسم کی معلومات حاصل کی جاسکیں گی۔

بھارت وانی میں کن زبانوں کو شامل کیا گیا ہے؟

اس منصوبے کا پہلا سال ہندُستانی آئین کی فہرست میں مندرج 22 زبانوں یعنی اردو، اڑیا،ا سامی، بنگالی، بوڈو، پنجابی، تمل، تیلگو، ڈوگری، سنتالی، سنسکرت، سندھی، کشمیری، کنڑ، کونکنی، گجراتی، مراٹھی، ملیالم، منی پوری، میتھلی، نیپانی اور ہندی کو شامل کیا جائے گا۔ اس کے بعد بتدریج دیگر زبانوں کی بھی شمولیت ہوگی۔

بھارت وانی کا حقیقی ہدف کیا ہے؟ بھارت وانی میں کس قسم کے مواد شائع کیے جائیں گے؟

بھارت وانی میں پہلے اور دوسرے سال میں افادیت کی بنیاد پر متعینہ موضوعات سے متعلق معلومات افزا مواد کی اشاعت کا فیصلہ لیا گیا ہے۔ اس کے بعد اگلے پانچ برسوں کے لیے ہر ایک زبان / مادری زبان سے متعلق مخصوص مواد کی تشکیل و اشاعت کا ہدف طے کیا گیا ہے۔ آغاز میں مختلف زبانوں میں بہ آسانی موجود مواد کو شائع کرنے کی کوشش کی جائے گی ۔

بھارت وانی درج ذیل نکات پر عمل درآمد رہے گا

زبان و ادب کو ڈیجیٹل اور الکٹرانک صورت میں محفوظ کرنا۔

رسمِ خط اور تحریر کاری کے کوڈ تیار کرنا۔

لغات اور فرہنگ تشکیل کرنا۔

زبانی اور تحریری ادب کے علاوہ علمی تصانیف کا کلاسیکی اور جدید زبانوں میں ترجمہ کرنا۔

آن لائن، تدریسِ زبان، آموزش اور زبان کے اساتذہ کی تربیت کرنا۔

جامع اور مسبوط تعئینِ قدر اور زبان کی آن لائن آزمائش / جانچ پر توجہ مرکوز کرنا۔

کیا بھارت وانی کے شائع شدہ مواد کا بلا معاوضہ استعمال کیا جاسکتا ہے؟ بھارت وانی میں حقِ اشاعت (Copyright)  کو کیسے محفوظ کیا جائے گا؟

بھارت وانی عوام، بالخصوص ہندُستانی عوام کے لیے علوم تک رسائی حاصل کرنے کے مقصد سے تشکیل کیا گیا عہدِ جدید کا ایک ترقی یافتہ پورٹل ہے لہذا اس پورٹل پر دستیاب تمام مواد کو تعلیمی اور تحقیقی کام کے لیے بلا معاوضہ استعمال کیا جاسکتا ہے۔

یہ پورٹل اِنڈین کاپی رائٹ ایکٹ 1957 کے مطابق صرف انہی سرگرمیوں کی اجازت دے گا جو دفعہ 52 حقِ اشاعت (Copyright) میں خلل اندازنہ ہوں۔

کیا نجی ادارے اور افراد بھارت وانی کی مدد و معاونت کرسکتے ہیں؟ کیا بھارت وانی مواد کے لیے اعزازیہ  ادا کرے گا؟

جی ہاں! حقیقی طور پر تشکیل کردہ غیر افسانوی اور علمی مواد عام استعمال کے لیے بلا معاوضہ فراہم کر کے بھارت وانی کی مدد کی جاسکتی ہے۔ علمی معاونت پر صاحبِ مضمون کو اعزاز یےکا حقدار تسلیم کیا جائے گا۔اس نوعیت کے مواد کی اشاعت مجلسِ ادارت کی منظوری کے بعد کی ممکن ہوگی۔

بھارت وانی آپ کی مادری زبان میں مواد و مضامین پیش کرنے کے لیے آن لائن آلات مہیا کرائے گا۔

مواد کے موضوع، اصلیت اور افادیت کے ساتھ اس کے ہمیشہ کے لیے استعمال کو مدِ نظر رکھتے ہوئے اعزازیے کی شرح مجلسِ مشاورت کے ذریعے طے کی جائے گی۔

جسمانی معزور، بھارت وانی تک کس طرح رسائی حاصل کر سکیں گے؟

بھارت وانی پورٹل کو فروغ دینے میں بھارت سرکار کی ہدایات کے علاوہ بین القوامی سطح پر تسلیم شدہ معیارات کا بھی اتباع کرے گا۔

نابینہ افراد کے استعمال کے لیے بھارت وانی اپنے پورٹل پر موجود زبانوں کے مواد و مضامین کو تحریر سے تقریر میں تبدیل کرنے کی  بلا معاوضہ سہولت فراہم کرائے گا۔

اگر پورٹل پر دستیاب معلومات کا بیجا استعمال کیا گیا تو کیا ہوگا؟

بھارت وانی عموماً عوام پر یقین کرتا ہے لیکن اس پر دستیاب مواد کا اگر کوئی غلط استعمال، نقل یا شرقہ کرتا ہے تو اس کی جانکاری فوراً مل جائے گی۔بھارت وانی،ہندُستان کی عظیم لسانی اور تہذیبی روایات کے تحفّظ کے لیے زبانوں کی آموزش اور ترویج و اشاعت کی حوصلہ افزائی کرتا ہے۔

بھارت وانی کی انتظامی ساخت

بھارت وانی ،ماہرینِ لسانیات اور عالموں پر مشتمل مجلسِ مشاورت کے زیرِ اہتمام روبہ عمل ہوگا ۔

پورٹل اور زبان سے متعلق آلات کے تکنیکی پہلوؤں پر تکنیکی مجلسِ مشاورت کے ذریعے ہدایات دی جائیں گی۔

زبان کے لحاظ سے مواد کا تعّین متعلقہ زبان کی ادارتی کمیٹی طے کرے گی۔

بھارت وانی کا صدر دفتر

ہندُستانی زبانوں کا مرکزی ادارہ، مانس گنگوتری، ہُنسُر روڈ، میسور۔570006

ٹیلی فون (ہدایت کار) :  2515820-821-91

PABX:91-821-2345000 : (ٹیلی فون (استقبالیہ

فیکس (دفتر) : 2515032-821-91

info@bharatavani.in ای میل

Dictionary Search

Loading Results

Quick Search

Follow Us :   
  ڈاؤن لوڈ بھارت وانی ایپ
  Bharatavani Windows App